“Tuluza”nın yarımmüdafiəçisi irqi zəmində təhqirdə şübhəli bilinir

“Tuluza”nın norveçli yarımmüdafiəçisi Aron Dönnum iriq zəmində təhqir işlətməkdə şübhəli bilinir.

Sports.az xəbər verir ki, “Havr”a qarşı Fransa Liqa-1-in oyunu çərçivəsində Dönnum rəqibin qaradərili fransalı oyunçusu Simon Ebonoya baxaraq, əlini burnu yaxınlığında üfunətdən yayınmağa çalışırmış kimi yelləyib.

Vurğulanır ki, İntizam Komitəsi Dönnumun müvafiq əməlində irqi ayrı-seçkilik tərkibinin olub-olmadığını araşdıracaq. Əməlində müvafiq tərkib müəyyənləşərsə, norveçli futbolçu 10 oyuna qədər cəza ilə üzləşə bilər.

Dönnum özü müvafiq davranışını Ebononun ağzından pis iy gəlməsinə qarşılığı ilə əlaqələndirib.