“Bayern”in ulduzunun sıraya qayıtması ilə bağlı müddət uzana bilər

“Bayern”in 22 yaşlı alman yarımmüdafiəçisi Camal Musialanın sıraya dönüşü təxmin edildiyindən çox çəkə bilər.

Sports.az xəbər verir ki, klub rəhbərliyi hazırda müalicə-bərpa mərhələsindən keçən futbolçunu tələsdirmək fikrində deyil.

Xatırladaq ki, Musiala 2025-ci ilin klublararası dünya çempionatında PSJ-yə qarşı oyunda rəqibin italyan qapıçısı Canluici Donnarumma ilə toqquşaraq, sol ayağının baldır sümüyünü sındırmış və topuğunun çıxması ilə ayaq vətərlərini də zədələmişdi.