“Barselona” “Kristal Pelas”ın kapitanını satın ala bilər

“Barselona” “Kristal Pelas”ın kapitanı, ingiltərəli mərkəz müdafiəçisi Mark Qehini təcili surətdə satın ala bilər.

Sports.az xəbər verir ki, məsələ o qədər ciddidir ki, Kataloniya klubu keçidi qarşıdakı qış transfer pəncərəsinin ilk günündə – 2026-cı ilin yanvar ayının 1-də rəsmiləşdirə bilər.

Vurğulanır ki, “Barselona”nı müvafiq addıma, “blauqrana”nın uruqvaylı mərkəz müdafiəçisi Ronald Arauxonun mənəvi düşkünlüyə qapılması ilə oynamaq iqtidarında olmaması məcbur edir.