MY kapitanını satmağa hazırdır

“Mançester Yunayted” rəhbərliyi “qırmızı şeytanlar”ın kapitanı, 31 yaşlı portuqal hücumameylli yarımmüdafiəçi Brunu Fernandeşi satmağa hazırdır.

Sports.az xəbər verir ki, İngiltərə nəhənginin rəhbərliyi müvafiq addımı ancaq nəhəng ödəniş müqabilində gerçəkləşdirməyə qərarlıdır.

Vurğulanır ki, “Mançester Yunayted” Fernandeş müqabilində ən azı 80 milyon avro məbləğində ödəniş tələb edir, müvafiq məbləği isə birbaşa olaraq ancaq Səudiyyə Ərəbistanı klubları ödəmək iqtidarındadırlar. Belə ki, Fernandeşin hələ “bir ətək” əməkhaqqı da var. Hazırda Avropa klubları belə bir yükün altına girməyə hazır deyillər.