Yarımmüdafiəçisi və hücumçusu ilə bağlı qərarı məhz MY verəcək

Məlum olduğu kimi, “Mançester Yunayted”in ingiltərəli yarımmüdafiəçisi Kobbi Meynu və niderlandlı hücumçusu Coşua Zirkze “qırmızı şeytanlar”dan ayrılmağa israrlıdırlar.

Sports.az xəbər verir ki, hər iki futbolçu qarşıdakı qış transfer pəncərəsində keçid etmək üçün gerçək təkliflər alıblar.

Vurğulanır ki, buna rəğmən, futbolçularının mümkün keçidləri ilə bağlı qərarı məhz klub qəbul edəcək. Hazırda “Mançester Yunayted” hər iki futbolçusunu qoruyub-saxlamaq mövqeyi tutub, bununla belə, meydanda kifayət qədər oyun vaxtı almayan Meynu və Zirkze rəhbərliyin müvafiq qərarından narazıdırlar.