“Qalatasaray”ın sabiq üzvü Braziliya klubunda

Braziliyanın "Qremio" klubu "Panatinaikos"un (Yunanıstan) futbolçusu Teteni heyətinə qatdığını rəsmən açıqlayıb.

Sports.az xəbər verir ki, bir vaxtlar "Qalatasaray"ın da formasını geyinmiş 25 yaşlı braziliyalı vingerlə 4 illik müqavilə imzalanıb.

Futbolçunun transferinin 6,2 milyon avroya başa gəldiyi bildirilib.

"Qremio"nun yetirməsi olan Tete 2019-cu ildə 15 milyon avroya "Şaxtyor"a (Donetsk, Ukrayna) keçib. O, 2023-cü ilin yayında Türkiyə Super Liqası klubuna cəlb olunmuşdu.