“Xetafe” 18 ildən sonra “Santyaqo Bernabeu”da “Real”ı məğlub etdi

"Xetafe" klubu La Liqanın 26-cı turunda "Real"ı səfərdə məğlub edərək tarixi nəticəyə imza atıb.

Sports.az xəbər verir ki, "Santyaqo Bernabeu" stadionunda keçirilən görüş qonaqların 1:0 hesablı qələbəsi ilə başa çatıb.

Matçda yeganə qolu 39-cu dəqiqədə qonaqların hücumçusu Martin Satriano rəqib qapısından keçirib.

Bununla da "Xetafe" 2008-ci ildən bəri ilk dəfə Madrid səfərində "Real" üzərində qələbə sevinci yaşayıb.

Həmin vaxtdan bəri bu stadionda keçirilən ardıcıl 16 qarşılaşmanın hamısında "Kral klubu" qalib gəlmişdi.

Qeyd edək ki, "Xetafe" sonuncu dəfə 2008-ci ildə "Santyaqo Bernabeu"da rəqibini 0:1 hesabı ilə məğlub etməyi bacarmışdı.