Dünya futbolu
“Liverpul”da ciddi itki

01.04.2026 | 17:40
Niderland millisinin və “Liverpul”un müdafiəçisi Ceremi Frimponq növbəti dəfə zədələnib.
Sports.az xəbər verir ki, 25 yaşlı futbolçu Niderland millisinin Ekvador yığması ilə keçirdiyi yoxlama matçında ikinci hissənin əvvəlində meydana daxil olsa da, 58-ci dəqiqədə zədə səbəbindən əvəzlənib.
Oyundan sonra niderlandlıların baş məşqçi Ronald Kuman Frimponqun zədələndiyini təsdiqləyib.
Qarşılaşma 1:1 hesablı heç-heçə ilə başa çatıb.
“Liverpul”u qarşıda vacib oyunlar gözləyir. Komanda aprelin 4-də, İngiltərə kubokunun 1/4 finalında “Mançester Siti” ilə üz-üzə gələcək. Daha sonra isə 8 apreldə PSJ-yə qarşı UEFA Çempionlar Liqasının 1/4 final mərhələsinin ilk matçına çıxacaq.
Son xəbərlər





























