Terri “Arsenal”ı tənqid etdi

“Çelsi”nin sabiq müdafiəçisi Con Terri “Arsenal”ın Premyer Liqanın 32-ci turunda “Bornmut”a 1:2 hesabıyla məğlub olmasına reaksiya verib.

Sports.az xəbər verir ki, sabiq futbolçu bunun böyük bir uğursuzluq olduğunu söyləyib:

“Bu, “Arsenal”ın futbolu deyildi. Komanda xarakter göstərməlidir. Çempionluq şansınız olduğu halda evdə “Bornmut”a necə uduzmaq olar? “Arsenal” üçün böyük bir uğursuzluqdur”.

Bu qarşılaşmadan sonra “Arsenal” 70 xalla İngiltərə Premyer Liqasının turnir cədvəlində liderliyini qoruyub saxlayır.