PSJ-dən maraqlı qərar
PSJ-də futbolçular üçün yeni bonus sistemi tətbiq olunub.
Sports.az “Ekip”-ə istinadən xəbər verir ki, Paris klubunun rəhbərliyi artıq qol ötürməsindən əvvəlki ötürməni (pre-assist) edən oyunçulara da əlavə maliyyə bonusu verəcək. Bu yanaşma baş məşqçi Luis Enrikenin taktiki ideyalarını daha aydın göstərməyə kömək edir. Belə ötürmələrin təhlili komandanın hücum quruculuğundakı məntiqi daha yaxşı anlamağa imkan yaradır.
Xüsusilə, eyni epizodda həm qol vuran, həm də pre-assist müəllifi olan futbolçular diqqət mərkəzinə düşür. Bunun bariz nümunəsi UEFA Çempionlar Liqasının 1/4 final mərhələsində “Liverpul”a qarşı keçirilən ilk oyunda (2:0) qeydə alınıb. Belə ki, PSJ-nin vingeri Xviça Kvaratsxeliya yarımmüdafiəçi Joao Neveşin iştirak etdiyi uzun gedişli kombinasiyadan sonra fərqlənib. Bununla da, gürcü hücumçu faktiki olaraq həmin epizodda həm qolun, həm də məhsuldar ötürmənin müəllifi kimi yadda qalıb.
