Fransa yığmasının 25 yaşlı ulduzu, mərkəz hücumçusu Kilian Mbappe 2024-cü ildə Parisdə keçiriləcək XXXIII Yay Olimpiya Oyunlarında “xoruzlar”ın Olimpiya yığmasının heyətində yarışda iştirak etməyəcək.

Sports.az xəbər verir ki, Mbappenin gələcək klubu “Real”da, ulduz futbolçunun Olimpiya futbol yarışında iştirakı məsələsi gündəmdə deyil və 2024-cü ilin avqustunda fransalı hücumçu “qaymaqlılar”ın baş məşqçisi, italyan mütəxəssis Karlo Ançelottinin rəhbərliyi altında mövsümöncəsi təlim-məşq toplanışına qatılacaq.

Daha əvvəl, Parisdə Fransa prezidenti Emmanuel Makron ilə “Real”ım prezidenti Florentino Peres arasında Kilian Mbappenin Paris Olimpiya Oyunlarında mümkün iştirakı ilə bağlı danışıqlar mövzusunda görürşünün keçiriləcəyi haqda məlumat yayılmışdı.