“Bayern” Alfonso Deyvislə danışıqlarını bərpa etdi

“Bayern” komandanın 23 yaşlı kanadalı sol cinah müdafiəçisi Alfonso Deyvislə danışıqları bərpa edib.

Sports.az xəbər verir ki, danışıqların bərpasında əsas səbəb “Bayern”in yeni baş məşqçisi, belçikalı mütəxəssis Vensan Kompaninin kanadalı futbolçunu komandada saxlamaq istəyi olub.

Münhen klubu Deyvisə 13-14 milyon avro məbləğ civarında maaş və əlavə üstəliklərlə müddəti 2029-cu ilə qədər müqavilə təklif edir. Amma müdafiəçi ildə 20 milyon avro məbləğində maaş istəyir.

“Real”ın hələ də Deyvislə maraqlandığı, amma futbolçuya görə Münhen klubuna rəsmi təklif göndərmədiyi vurğulanır