“Lester Siti” rəhbərliyi Mareskanın “Çelsi”yə üz tutmasından məyus olub

“Lester Siti”nin rəhbərliyi “tülkülər”in artıq sabiq çalışdırıcısı, italyan mütəxəssis Entso Mareskanın “Çelsi”siyə getməsindən məyus olub.

Sports.az xəbər verir ki, klub rəhbərləri italiyan mütəxəssisin gördüyü işdən razı olsalar da, onun elə, ilk fürsətdəcə klubdan ayrıldığına inanırlar.

“Lester Siti” etiraf edir ki, Mareska son dərəcə iddialı məşqçidir, amma onun niyyətlərinin açıq olması “tülkülər”in xoşuna gəlmirdi.

Klub məşqçinin gedişi müqabilində “zadəganlar”dan 12 milyon avro məbləğində təzminat alacaq, amma eyni zamanda italyan mütəxəssis altı işçisindən ibarət məşqçilər qərargahını da “Çelsi”yə aparacaq. Bu isə növbəti mövsümdə İngiltərə Premyer Liqasında çıxış edəcək “tülkülər”in bütün planlarını alt-üst edib.