“Çelsi” Madrid “Atletiko”sunun 20 yaşlı hücumçusu Samuel Omorodionun transferinə görə üç təklif ünvanlayıb.

Sports.az xəbər verir ki, London klubu ispaniyalı hücumçunu transfer etmək məqsədilə üç dəfə “Atletiko”nun “qapısını döyüb”.

“Zadəganlar”ın son təklifi 50 milyon avro məbləğ və əlavə üstəliklərdən ibarət olub, amma “döşəkçilər” futbolçusunu satmaqdan imtina ediblər.

“Atletiko”nun Omorodionu növbəti mövsümdə saxlamaq niyyətində olduğu bildirilir. Daha əvvəl mətbuatda, ispaniyalı futbolçu müqabilində yayda 80 milyon avro məbləğində təklif edilsə, Madrid klubunun bu təklifi nəzərdən keçirəcəyi haqda məlumat yayılmışdı.