Güləş/Cüdo
Bakıdakı AÇ-də Azərbaycan üçün daha 9 medal şansı
21.05.2024 | 11:45
Bakı İdman Sarayında keçirilən güləş üzrə U-23 Avropa çempionatı davam edir.
Sports.az xəbər verir ki, turnirin ikinci günündə Azərbaycanın 9 yunan-Roma güləşçisi döşək üzərinə çıxacaq.
Nihad Quluzadə (60 kq), Fərahim Mustafayev (67 kq), Murad Əhmədiyev (97 kq) təsnifat, Ruslan Nurullayev (72 kq), Qurban Qurbanov (82 kq) 1/8 final görüşünə çıxacaq.
Laçın Vəliyev (87 kq) təsəlliverici, Rəşad Məmmədov (55 kq) bürünc medal uğrunda görüşdə, Ziya Babaşov (63 kq) və Xasay Həsənli (77 kq) isə finalda yarışacaq.
Qeyd edək ki, bürünc medal uğrunda və final yarışları isə 18:00-da başlayacaq. Yarışlar Bakı İdman Sarayında keçiriləcək.
Oxşar xəbərlər
Son xəbərlər
