Azərbaycanı İrandakı beynəlxalq turnirdə 20 güləşçi təmsil edəcək
Sabah İranın Behşehr şəhərində start götürəcək sərbəst güləş üzrə "Necad Haşimi kuboku"nda Azərbaycanı 20 idmançı təmsil edəcək.
Sports.az xəbər verir ki, turnirdə ölkəmizi böyük məşqçi Arif Abdullayev, məşqçilər Rövşən Hacıyevlə Nazim Əlicanovun rəhbərliyi altında 20 güləşçi təmsil edəcək.
Belə ki, İranda Vasif Bağırov, Sədrəddin Həsənov, Hüseyn Hüseynov (hamısı 57 kq), Zamin Məmmədov (61 kq), Hacı Kərimov, Elcan İsmayılzadə, Sübhan Səfərli (hamısı 65 kq), İsmayıl Rəhimli, Adəm Bağırov, Nurlan Ağazadə, Sadiq Hüseynov (hamısı 70 kq), Omar Gülməmmədov (74 kq), Muradxan Omarov (79 kq), Məhəmməd Abbaszadə, Təbriz Bayramov, Vasif Xudiyev (hamısı 86 kq), Anar Cəfərli, Şəmistan Axundov (hər ikisi 92 kq), Yusif Dursunov və Muxamad Qantemirov (hər ikisi 125 kq) xalça üzərinə çıxacaq.
Qeyd edək ki, yarış mayın 16-da başa çatacaq.
