PSJ Mbappeyə görə 175 milyon avro itirə bilər
Kilyan Mbappenin pulsuz gedişi PSJ üçün maliyyə problemlərinə səbəb olacaq.
Sports.az xəbər verir ki, Mbappe Paris klubuna müqavilənin 2025-ci ilə qədər uzadılması variantını aktivləşdirməyəcəyini bildirmişdi. O, 2024-cü ilə qədər PSJ-də qalmaq istəyir, klub isə futbolçu ilə müqaviləni uzatmaq və ya onu bu yay satmaq niyyətindədir.
Mbappenin 2024-cü ildə pulsuz transferlə getməsi parislilər üçün maliyyə problemlərinə səbəb olacaq – onlar təxminən 175 milyon avro itirəcəklər.
Kilyanın pulsuz gedişi klubun “UEFA Maliyyə Fair Play” standartlarına mənfi təsir göstərəcək. Bu baş verərsə, PSJ bəzi futbolçularını satmalı və klubun heyətində ciddi dəyişikliklər etməli olacaq. Fransız futbolçunun müqaviləsi ilə bağlı qeyri-müəyyənlik səbəbindən PSJ bir neçə transferlə bağlı danışıqları dayandırıb – xüsusən də bu, “Mançester Siti”nin yarımmüdafiəçisi Bernardo Silvanın keçidinə aiddir.
PSJ iyulun 31-dək Mbappeyə müqavilə mübahisəsini həll etmək üçün son tarix kimi müəyyənləşdirib.
