“Çelsi” müdafiəçisini 7 aylıq itirdi

Diz zədəsi səbəbindən ABŞ-a turneyə gedə bilməyən “Çelsi”nin müdafiəçisi Uesli Fofana ətraflı tibbi müayinədən keçib.

Sports.az xəbər verir ki, futbolçunun xaçvari bağlarının sınması müəyyən olunub.

O, 7 aydan çox yaşıl meydanlardan uzaqda qalacaq.

22 yaşlı oyunçu cərrahiyyə əməliyyatına girməli olacaq.

Qeyd edək ki, Fofana ötən ilin avqustunda “Lester”dən 80,5 milyon avroya transfer olunub.

Müdafiəçi ötən mövsüm London klubunda bütün turnirlərdə 20 oyun keçirib 2 qol vurub.

Fransalı futbolçu diz zədəsi səbəbindən 3 ay heyətdən kənarda qalıb.