Obameyanqın yeni klubu məlum oldu

Pyer-Emerik Obameyanq “Olimpik Marsel”lə anlaşıb.

Sports.az xəbər verir ki, bu barədə insayder Fabritsio Romano paylaşım edib.

Qabonlu futbolçu 3 illik müqaviləyə imza atacaq.

34 yaşlı hücumçu Fransa təmsilçisinə azad agent kimi keçəcək. “Çelsi” onun klubdan ayrılmasına razılıq verib.

Forvard sabah Marsel komandasının düşərgəsində tibbi müayinədən keçəcək.

Obameyanq ötən mövsüm “Çelsi”də 15 oyunda bir qol vurub.
O, karyerası ərzində “Lill”, “Monako”, “Sent Etyen” (hamısı Fransa), “Borussiya” (Dormund), “Arsenal” (İngiltərə), “Barselona” (İspaniya) kimi klublarda çıxış edib.