"Əla komanda yoldaşlarım var" - Bellinqem

“Real”ın yeni transferi Cud Bellinqem komandaya uyğunlaşmasından danışıb.

Sports.az xəbər verir ki, gənc futbolçu ispan dilini öyrənməyə çalışdığını deyib:

“Əla komanda yoldaşlarım var. Onların yanında olmaq xoşuma gəlir. İngilis dilində əla danışırlar, mənim ispan dilim də yavaş-yavaş yaxşılaşır. Lukas Vaskes və Brahim Dias mənim ən yaxşı müəllimlərimdir. Onlar mənə söyüş söyməyi öyrədirlər (gülür). Səbirsizliklə gözləyirəm ki, nə vaxt o söyüşləri öyrənəcəm.

Şəhərdə bir-iki dəfə gəzmişəm. Hələ ki küçədə çox olmaq istəmirəm. Məşqdən sonra yoruluram və hər gün axşam yeməyinə getmək arzusunda olmuram. Fikirləşirəm ki, yeni mədəniyyəti öyrənmək vacibdir. Həyatdan və məşqlərdən zövq almaq istəyirəm”.