“Bayern” Keyn üçün 100 milyon avro ödəməyə hazırdır

“Bayern” “Tottenhem”in hücumçusu Harri Keyni transfer etmək üçün növbəti addımı atmağı planlaşdırır. 
Sports.az xəbər verir ki, bu barədə almaniyalı jurnalist Manuel Bonke tviterdə paylaşım edib.

Onun sözlərinə görə, Münhen klubu 100 milyon avroluq təklif irəli sürəcək. “Bayern” İngiltərə millisinin üzvünü ələ keçirmək üçün şərtləri bir qədər də yaxşılaşdıracaq. Təklif artıq bu həftə London təmsilçisinə göndəriləcək. 100 milyon avro son rəqəm hesab olunur, almanlar Keynə bundan çox pul vermək niyyətində deyillər.

29 yaşlı forvard ötən mövsüm İngiltərə Premyer Liqasında 38 oyunda 30 qol vurub və 3 məhsuldar ötürmə verib. O, 2011-ci ildən “Tottenhem”də çıxış edir.