Futbol
Ronaldo “Əl-Nəsr”in hədəflərindən danışdı
24.07.2023 | 20:32
“Əl-Nəsr” Yaponiyada PSJ və “İnter”lə yoldaşlıq oyunları keçirəcək.
Sports.az xəbər verir ki, Səudiyyə təmsilçisinin hücumçusu Kriştiano Ronaldo burada keçirilən mətbuat konfransında komandasının yeni mövsüm üçün hədəflərindən danışıb.
“Yaponiyada olmaqdan çox şadam. Qarşıda bizi iki çətin matç gözləyir. Yapon xalqı futbola çox həvəslidir, biz onlara maraqlı oyun göstərmək üçün buradayıq.
Növbəti mövsüm bütün kubokları əsas hədəf kimi qoymuşuq. Çətin olacağını bilirik, amma düşünürəm ki, yaxşı komandamız, yeni məşqçimiz, yeni oyunçularımız var” – deyib Kriştiano.
Qeyd edək ki, “Əl-Nəsr”in parislilərlə görüşü iyulun 25-də, milanlılarla isə iyulun 27-də keçiriləcək.
Son xəbərlər
