“Liverpul” “Sauthempton”a yeni təklif göndərir

“Liverpul” “Sauthemptonun yarımmüdafiəçisi Romeo Laviya üçün yeni təklif irəli sürməyə hazırlaşır.

Sports.az xəbər verir ki, artıq yarımmüdafiəçinin özü də rəhbərliyə “Liverpul”a keçmək istəyini bildirib. Daha əvvəl “Sauthempton” Mersisayd klubunun 43 milyon avroluq ilk təklifini rədd edib. Klub 19 yaşlı belçikalıya 58 milyon avro qiymət müəyyənləşdirib.

Qeyd edək ki, Laviya 2022/2023 mövsümündə İngiltərə Premyer Liqasının 29 matçında iştirak edib və 1 qol vurub.