Alfonso Deyvisin agenti: “Bizim heç bir klubla bağlı konkret bir məqamımız yoxdur”

“Bayern”in müdafiəçisi Alfonso Deyvisin maraqlarını təmsil edən, futbolçunun agenti Nedal Huoseh müştərisinin gələcəyi ilə bağlı danışıb.

Sports.az agentin bu barədə məlumatını təqdim edir:

“Bizim heç bir klubla konkret bir məqamımız yoxdur. Alfonso hazırda bütün diqqətini “Bayern”ə yönəldib. Gələcək üçün bütün seçimləri yaxın aylarda nəzərdən keçirəcəyik”, deyə Huoseh vurğulayıb.

Xatırladaq ki, daha əvvəl mətbuatda, Deyvisin “Real”ın futbolçusu ola biləcəyi ilə bağlı məlumatlar yayılmışdı.