“Barselona” və “Yuventus” Mario Ermosonu transfer etmək fikrindən daşındılar

Madrid “Atletiko”sunun mərkəz müdafiəçisi Mario Ermoso cari mövsümün sonunda “Barselona” və ya “Yuventus”a keçməyəcək.

Sports.az xatırladır ki, müdafiəçinin “döşəkçilər”lə əmək müqaviləsi başa çatmaq üzrədir.

Adı çəkilən klublar Ermosonu azad agent qismində almağı planlaşdırsalar da, son günlər bu fikirdən vaz keçiblər.
Vurğulanır ki, “Atletiko” rəhbərliyi də müdafiəçiyə yeni müqavilə təklif etməyə tələsmir.