“Yuventus” Kənan Yıldızı Turində saxlamaq üçün dördqat əməkhaqqı təklif etdi

“Yuventus” rəhbərliyi “byankoneri”nin 18 yaşlı hücumçu Kənan Yıldızla müqaviləsinin müddətini 2029-cu ilə qədər uzatmaq üçün çalışır.

Sports.az xəbər verir ki, Turin klubu türk futbolçuya maaşını 4 dəfə artırmaqla müqavilə təklif edir.

Mövcud əmək müqaviləsinə görə, Yıldızın ildə 300 min avro məbləğ qazandığı vurğulanır. “Yuventus” türk futbolçuya illik 1-1,2 milyon avro maaş təklif etməyə hazırdır.

“Qoca sinyora” son transfer pəncərəsində digər Avropa klublarından Yıldız üçün gələn transfer təkliflərini rədd edib və istedadlı türk futbolçusunu heyətində saxlamaqda maraqlıdır.