“Mançester Siti” qalan bütün oyunlarında qalib gələcək”

“Mançester Yunayted”in irland sabiq dayaq yarımmüdafiəçisi Roy Kin Premyer Liqanın 35-ci turunda “Mançester Siti”nin “Nottingem Forest” üzərində 2:0 hesablı qələbəsindən sonra “şəhərlilər”in yarışda qalib gəlmək imkanlarını şərh edib.

Sports.az Kinin bu barədə fikirlərini təqdim edir:

“Hər şey mövsümün bu nöqtəsində nəticələr əldə etməkdən ibarətdir. Futbolçular ən yaxşı vəziyyətdə olmadıqda və ya oyun yaxşı getmədikdə belə, “Siti” futbol oyunlarını necə qazanacağını bilir. Oyunun əvvəlində narahat idim və onların sıradan çıxa biləcəyini düşünürdüm, amma oyundan sonra düşünürəm ki, “Siti” qalan bütün oyunlarda qalib gələcək”.