Amrabat Premyer Liqada qalır?

“Kristal Pelas” və “Fulhem” “Mançester Yunayted”in “Fiorentina”dan icarəyə götürdüyü 27 yaşlı dayaq yarımmüdafiəçisi Sofyan Amrabatla maraqlanırlar.

Sports.az xəbər verir ki, son 4 həftə ərzində bu iki klubun skautları mərakeşli futbolçunun oyununu fəal şəkildə izləyirlər.

“Kristal Pelas”ın Amrabatda komandaya xeyli keyfiyyət qata biləcək futbolçu gördüyü vurğulanır. Üstəlik, əsas heyətdən bir neçə futbolçu yayda “qartallar”ı tərk edə bilər, Amrabatın keçidi isə bu itkini müəyyən qədər sığortalaya bilər.