“Mançester Yunayted”in Erik ten Haqın yerinə namizədləri müəyyənləşdi

“Mançester Yunayted” rəhbərliyi komandanın baş məşqçisi Erik ten Haqın yerinə uyğun namizədləri müəyyənləşdirib.

Sports.az xəbər verir ki, 54 yaşlı niderlandlı mütəxəssisin “Mançester Siti” ilə İngiltərə Kubokunun finalından sonra klubu tərk etmək ehtimalı yüksəkdir.

“Mançester Yunayted”də Ten Haqın yerində ya “Bayern”in baş məşqçisi, alman mütəxəssis Tomas Tuxel, ya da “Brayton” və “Çelsi”nin keçmiş çalışdırıcısı, ingilis mütəxəssis Qrem Potter peyda ola bilər.

“Qırmızı şeytanlar”ın həmsahibi Cim Retkliff İngiltərə Kubokunun finalından sonra bu barədə qərar verməli olacaq.