Ronaldo futbolçu karyerasını bitirəcəyini açıqlamış Kroosa təşəkkürünü bildirdi

“Real”ın sabiq hücumçusu, hazırda Səudiyyə Ərəbistanının “Əl-Nəsr” klubunda çıxış edən portuqal ulduz hücumçu Kristiano Ronaldo, “qaymaqlılar”ın alman yarımmüdafiəçisi Toni Kroosun AÇ-2024-dən sonra futbolçu karyerasını bitirməsi xəbərinə münasibətini bildirib.

Sports.az Ronaldonun bu barədə qarşılığını təqdim edir:

“Hər şey üçün təşəkkür edirəm, Toni! Səninlə eyni meydanı bölüşmək nə qədər şərəflidir. Gələcəyin üçün sənə ən yaxşısını diləyirəm!”, — Ronaldo özünün sosial şəbəkə hesabı üzərindən yazaraq paylaşıb.

Xatırladaq ki, Ronaldo və Kroos 2014-2018-ci illərdə “Real”da birgə çıxış ediblər.