“Liverpul” Spalletti ilə maraqlanıb, amma Slotu seçib

“Liverpul” Arne Slotu baş məşqçi təyin etmək qərarına gəlməzdən əvvəl, İtaliya yığmasının baş məşqçisisi, italyan mütəxəssis Luçano Spalletti ilə maraqlanıb.

Sports.az xəbər verir ki, 65 yaşlı italyan mütəxəssis “qırmızılar”ın marağını cəlb etsə də, bu, yalnız maraq olaraq da qalıb.

“Liverpul” rəhbərliyi “Feyenoord”la uğurlu iş təcrübəsinə malik niderlandlı mütəxəssisin təyinatı üzərində dayanmağa üstünlük verib.

Xatırladaq ki, mayın 20-də Mersisayd klubu Arne Slotun “Liverpul”a baş məşqçi təyin edildiyini rəsmən açıqlayıb.