Flik “Barselona”nın yeni baş məşqçisi olacaq

“Bayern”in və Almaniya yığmasının keçmiş baş məşqçisi Hans-Diter Flik böyük ehtimalla “Barselona”nı çalışdıracaq.

Sports.az xəbər verir ki, “blauqrana”nın idman direktoru Deku ilə alman mütəxəssis arasında telefonla müsbət müzakirələr aparılıb.

“Barselona”nın prezidenti Joan Laporta bildirib ki, “Hansi” Flik gələn mövsüm “Barselona”nın baş məşqçisi vəzifəsinə əsas namizəddir.

Vurğulanır ki, alman mütəxəssis “Çelsi”nin təklifindən imtina edib və “Barselona”dakı vəziyyəti diqqətlə izləyir.