Motta “Yuventus”u çalışdırmağa razılıq verdi

“Bolonya”nın sükanı arxasından ayrılmış braziliyaəsilli italiyalı baş məşqçisi Tiaqo Motta “Yuventus”un baş məşqçi vəzifəsinə dair təklifi cavablayıb.

Sports.az xəbər verir ki, mütəxəssis “Qoca sinyora”nı çalışdırmağa razılaşıb.

Mottanın “byankoneri” ilə 3 illik müddətə müqavilə imzalayacağı və ildə 5 milyon avro məbləğində maaş alacağı bildirilir.

Xatırladaq ki, mayın 17-də “Yuventus” komandanı 2021-ci ildən çalışdırmış Massimiliano Alleqrini italyan mütəxəssisiin yolverilməz davranışını əsas gətirərək, istefaya göndərdiyini açıqlayıb.