Raul Bundesiqada çalışmaq istəyir

“Real”ın keçmiş hücumçusu, hazırda “qaymaqlılar”ın ikinci komandasının baş məşqçisi əfsanəvi Raul Qonsales yayda Madird klubunu tərk etmək istəyir.

Sports.az xəbər verir ki, 46 yaşlı ispan mütəxəssis “Kral klubu”nun rəhbərliyinə komandadan getmək istəyi barədə artıq məlumat verib.

Raul məşqçilik təcrübəsini Almaniya Bundesliqasında tətbiq etmək niyyətindədir. Mütəxəssisin konkret təklifləri olmasa da, ancaq Almaniyada işləmək istəyir. Raulu Leverkuzen “Bayer”inin ispan baş məşqçisi, “Real”ın keçmiş oyunçusu Xabi Alonsonun təcrübəsinin cəlb etdiyi vurğulanır.