“Çelsi”nin baş məşqçisi vəzifəsinə iki əsas namizədin adı açıqlandı

“Çelsi” “zadəganlar”ın baş məşqçisi vəzifəsinə iki əsas namizədi müəyyənləşdirib.

Sports.az xəbər verir ki, bu mütəxəssislərdən biri, “Brayton” və “Mançester Yunayted”in də uğrunda mübarizə apardığı, “İpsviç”in baş məşqçisi, şimali irlandiyalı mütəxəssis Kiran Makenna, digəri isə Lissabon “Sportinq”inin portuqal çalışdırıcısı Ruben Amorimdir.

Bildirilir ki, “zadəganlar”ın rəhbərliyi Ruben Amorimlə uzun müddətdir ki, maraqlanır. Amma klub portuqal çalışdırıcı müqabilində 15 milyon avro məbləğində təzminat haqqını ödəməkdən çəkinir.

Daha əvvəl bildirilib ki, London klubu iyunun 1-dək qərar qəbul edib, baş məşqçi təyin etməyi hədəfləyib.