Yoronun agenti çətin seçim qarşısında qalıb
“Lill”in müdafiəçisi Leni Yoronun maraqlarını təmsil edən Jorje Mendeş “Real”dan gələn təklif müqabilində yayda futbolçunun transferi ilə bağlı PSJ ilə razılaşmanı pozmaq istəyir.
Sports.az xəbər verir ki, “Lill” və PSJ artıq Yoro ilə bağlı razılığa gəliblər, buna görə Paris klubu fransalı futbolçunun transferi müqabilində 50 milyon avrodan 60 milyon avro məbləğ civarında ödənişə, həmçinin Kilian Mbappenin qardaşı, yarımmüdafiəçi Etanı da bu sövdləşməyə daxil etməyə boyun olub.
Amma bildirilir ki, “Real” həm futbolçunun özünə, həm də təmsilçisinə daha əlverişli şərtlər təklif etdiyi üçün futbolçunun agenti müqaviləni ləğv etmək niyyətindədir. Agentin bunu nə vaxt və necə edəcəyinin isə qayğılı məsələ olduğu vurğulanır, belə ki, tərəflər arasında münasibətlərin pozulmaması da əsas şərt olaraq qalır.
