“Real” Kroosun əvəzinə heç bir transfer gerçəkləşdirməyəcək

“Real” “qaymaqlılar”ın alman mərkəz yarımmüdafiəçisi Toni Kroosu əvəz etmək üçün heç kimlə müqavilə imzalamayacaq.

Sports.az xatırladır ki, daha əvvəl, 34 yaşlı veteran futbolçu 2024-cü il iyunun 14-dən iyulun 14-dək vətəni Almaniyada keçiriləcək Avropa çempionatından sonra futbolçu karyerasını başa vuracağını açıqlamışdı.

Vurğulanır ki, “Real” Kroosun boşluğunu komandanın öz gücü hesabına doldurmağa çalışacaq. Həmçinin “Real”ın istedadlı gənc türk futbolçusu Arda Gülərin bu xüsusda qarşısında geniş imkanlar açılacağı təxmin edilir.