“Bayern” əmindir ki, Tuxel klubla danışıqları “Mançester Yunayted”ə görə pozub

“Bayern”in direktorlar şurası əmindir ki, baş məşqçi Tomas Tuxel artıq “Mançester Yunayted”də işə düzəldiyi üçün yeni müqavilə ilə bağlı danışıqların pozulmasına yol verib.

Sports.az xatırladır ki, ötən həftə Münhen klubunun alman məşqçi ilə əməkdaşlığı davam etdirməklə bağlı danışıqlara başladığı barədə məlumat yayılmışdı.

Bir neçə gün sonra isə Tuxelin özü mövsüm bitdikdən sonra Münhen klubundan mütləq ayrılacağını açıqlayıb. Eyni zamanda, məşqçinin nümayəndələrinin “Mançester Yunayted”lə əlaqə saxlaması ilə bağlı şayiələr yayılıb.