Kazemiro “Əl-Nəsr”ə keçə bilər

“Mançester Yunayted”in və Braziliya millisinin yarımmüdafiəçisi Kazemiro keçmiş komanda yoldaşı, məşhur portuqal ulduz hücumçu Kristiano Ronaldonun çıxış etdiyi, Səudiyyə Ərəbistanının “Əl-Nəsr” klubuna keçə bilər.

Sports.az xəbər verir ki, Səudiyyə Ərəbistanının İctimai İnvestisiya Fondu bu yay Kazemironun “Mançester Yunayted”dən transferini təmin etmək üçün əhəmiyyətli məbləğ təklif etməyə hazırdır.

Braziliyalının futbolçunun “Mançester Yunayted”in qərarını gözlədiyi bildirilir. Kazemironun özü isə hələ gələcəyi ilə bağlı qərar verməyib, amma braziliyalı futbolçu karyerasını Səudiyyə Ərəbistanında davam etdirmək fikrini bəyənir.