Tenas PSJ-ni tərk edə bilər

PSJ-nin ispan qapıçısı Arnau Tenas “Krasnodar”dan rusiyalı qapıçı Matvey Safonovun transferi getçəkləşərsə, Fransa nəhənginin düşərgəsini tərk etməlidir.

Sports.az xəbər verir ki, ispan qapıçı daha çox oyun vaxtı istəyir və Safonovun gəlişi ilə baş məşqçi Luis Enrikenin üçüncü seçimi olacağını təxmin etdiyi üçün, ən yaxşısı, İspaniya La Liqasına icarəyə göndərilməsini xahiş edib.

İtaliyan qapıçı Canluici Donnarumma isə Luis Enrikenin ilk seçimi olaraq qalır. Həmçinin vurğulanır ki, PSJ-nin idman direktoru Luiş Kampuş uzun illərdir Safonovu izləyir və rusiyalı qapıçını bir neçə il əvvəl “Selta”ya transfer etmək imkanını nəzərdən keçirib.