“Barselona” rəhbərliyinə Xavinin Levandovskini satmaq istəyi xoş gəlməyib

Cari mövsümün bitməsilə “blauqrana”dan ayrılacaq baş məşqçi Xavi “Barselona”nın 35 yaşlı polyak mərkəz hücumçu Robert Levandovskini növbəti mövsüm üçün heyətində görməyib.

Sports.az xəbər verir ki, Xavi Levandovskinin zirvədə olan dövrünün artıq keçdiyinə inanıb və hücumun mərkəzində daha güc-qüvvətli, daha istək-həvəsli və daha yüksək cəldliyə və sürətə malik oyunçunun oynamasını, rəqiblərə təzyiq göstərməsini istəyirdi.

Bundan başqa, veteran hücumçunun komandanın gənc futbolçularına münasibəti ispan mütəxəssisə xoş gəlməyib. Xavinin sözlərinə görə, Levandovski onlarla çox uzaq və rəsmiyyətlə davranıb.