“Mançester Siti” Qvardiolanın gələcəyi ilə bağlı qərarında israrlıdır

“Mançester Siti” rəhbərliyi “şəhərlilər”in baş məşqçisi Xoep Qvardioladan Milad bayramına qədər (Katolik Kilsəsində 25 Dekabr – redaktorun qeydi) klubdakı gələcəyi ilə bağlı qərar verməsini istəyir.

Sports.az xəbər verir ki, “şəhərlilər”in rəhbərliyi Qvardioladan əmək müqaviləsini 2025-ci ilin yayına qədər uzatmasını istəyir, amma ispan mütəxəssisə klubdan nə vaxt ayrılacağına qərar vermək sərbəstliyini də verir.

Qvardiolanın özü 2025-ci ilin yayında “Mançester Siti”ni tərk etməyə daha yaxındır.

Vurğulanır ki, “Mançester Siti” Qvardiolanı əvəz etməyin son dərəcə çətin olacağını anlayır, ona görə də “şəhərlilər” ən uyğun əvəzedici namizədi tapmaq üçün mümkün qədər çox vaxta sahib olmaq istəyirlər.