Serji Roberto yayda “Barselona”nı tərk edə bilər
“Barselona”nın ispan yarımmüdafiəçisi, kapitan Serji Roberto bu yay “baluqrana”nın düşərgəsini tərk edə bilər.
Sports.az xəbər verir ki, “Barselona” futbolçusuna növbəti mövsüm üçün heyətdə yer almağa zəmanət verə bilmir.
Həmçinin “Barselona” hələ neçə futbolçusu ilə əməkdaşlığı davam etdirəcəyi haqda qeyri-müəyyəndir. Bildirilir ki, rəhbərliyin üstünlük verdiyi oyunçular arasında müdafiəçilər İnyiqo Martines və Aleks Balde, yarımmüdafiəçi Qavi və hücumçu Vitor Roke var. Həmçinin hesab edilir ki, “Barselona” ilə əməkdaşlığı davam etdirmək qərarı Serji Robertonun özündən asılıdır.
Xatırladaq ki, daha əvvəl mətbuatda, Serji Robertonun yalnız Xavi işini “blauqrana” ilə davam etdirəcəyi təqdirdə klubda qalacağı ilə bağlı məlumat yayılmışdı. Belə ki, ispan mütəxəssis yarımmüdafiəçinin oyun keyfiyyətlərini çox yüksək qiymətləndirir.
