Rodriqo “Mançester Siti”yə keçmək istəyir

“Real”ın braziliyalı hücumçusu Rodriqo Qoes “Mançester Siti”nin futbolçusu ola bilər.

Sports.az xəbər verir ki, 23 yaşlı braziliyalı futbolçu PSJ-nin fransalı ulduz hücumçusu Kilian Mbappenin “Real”a böyük ehtimalla gəlişini təhlükə hesab edir və İngiltərə Premyer Liqasının, öz istedadını tam şəkildə gerçəkləşdirmək üçün mükəmməl yer olacağına inanır.

Ehtimal edilir ki, braziliyalı futbolçunu “Mançester Siti”nin baş məşqçisi, ispan mütəxəssis Xosep Qvardiolanın oyun tərzi cəlb edir.
Amma bildirilir ki, “qaymaqlılar” öz oyunçusu üçün nə az, nə çox – 170 milyon avro məbləğ istəyəcəklər ki, bu, hətta imkanı böyük olan “şəhərlilər” üçün də çox böyük məbləğdir.