“İnter” Yaka Biyolu “Udineze”dən satın almaq fikrindədir

“Udineze”nin mərkəz müdafiəçisi Yaka Biyol “İnter”in maraq dairəsindədir.

Sports.az xəbər verir ki, “İnter” qarşıdakı yay transfer pəncərəsində müdafiəsinin mərkəzi bölgəsini gücləndirməlidir, ona görə də milanlılar Biyolu almaq imkanlarına maraq göstərirlər.

Vurğulanır ki, transfer sloven futbolçunun bahalı olmasına görə çətinləşib: “Udineze” müdafiəçisini 15-20 milyon avro məbləğ civarında satmağa hazırdır ki, bu da bu qiyməti çox yüksək hesab edən “neradzurri”yə əl vermir. Bu səbəbdən “İnter” müdafiəni gücləndirmək üçün başqa seçimlərə də əl ata bilər.