“Borussiya” Sançonu “Mançester Yunayted”dən almaq imkanında deyil

Dortmund “Borussiya”sının, icarə əsasında heyətinə qatdığı 24 yaşlı ingiltərəli vinger Ceydon Sanço ilə tamhüquqlu əsasda anlaşmaq istəyinə rəğmən, alman klubu çox güman ki futbolçunu məxsus olduğu “Mançester Yunayted”dən satın ala bilməyəcək.

Sports.az xəbər verir ki, buna səbəb “qırmızı şeytanlar”ın Sanço müqabilində yüksək transfer haqqı tələb etməsidir ki, Dortmud klubu bu imkanda deyil.

Vurğulanır ki, Sanço özü “Borussiya”da qalmağın əleyhinə deyil, amma bu məsələ tezliklə həllini tapmayacaq və mövsümlərarası fasilədə müəyyən çıxış yolu, məsələn, yeni bir icarə müqaviləsi bağlamaq seçimi baxışdan keçiriləcək.