“Tottenhem” yayda 11 futbolçusunu satmağa hazırdır

“Tottenhem”in baş məşqçisi Angelos Postekoqlu komandada geniş miqyaslı yenidənqurma həyata keçirmək niyyətindədir və bunun nəticəsində 11 futbolçu “mahmızlar”ın düşərgəsini tərk edə bilər.

Sports.az xəbər verir ki, satışa çıxarılacaq futbolçular arasında hücumçu Rişarlison, yarımmüdafiəçilər Pyer-Emil Höybyerq və Covani Lo Çelso, vinger Brayan Hil və müdafiəçi Emerson Royal da olacaq.

Səudiyyə Ərəbistanından bir klubun Rişarlison müqabilində 60 milyon funt-sterlinq (70,4 milyon avro) məbləğ təklif etməyə hazır olduğu və mümkün keçidin “Tottenhem” rəhbərliyinin diqqətində xüsuilə saxlanıldığı vurğulanır.