Halandla yeni müqavilə “Mançester Siti”nin əsas mövsüm hədəfidir

“Mançester Siti” rəhbərliyi “şəhərlilər”in norveçli hücumçusu Erlinq Halandla əmək müqaviləsinin müddətinin uzadılmasını klub qarşısında əsas məqsəd müəyyənləşdirib.

Sports.az xəbər verir ki, “şəhərlilər”in rəhbərliyi Halandın 2027-ci il iyunun 30-na qədər qüvvədə olan cari müqaviləsinə əsasən, norveçli hücumçu müqabilində təzminat məbləğinin hər mövsüm getdikcə azalmasından narahatdır.

Daha əvvəl mətbuatda, 23 yaşlı futbolçunun xidmətində “Real” və “Barselona”nın maraqlı olduğu haqda xəbərlər yayılmışdı. “Mançester Siti” “qolçu vikinq”i əldən buraxmamaq üçün Halandla müqaviləni yaxın vaxtlar öz xeyrinə həll etmək istəyir.