“Yuventus” Qrinvudu ala bilər

Bu mövsüm icarə əsasında “Xetafe”də çıxış edən, “Mançester Yunayted”in ingilis hücumçusu Meyson Qrinvud “Yuventus”un futbolçusu ola bilər.

Sports.az xəbər verir ki, 22 yaşlı Qrinvud “Qoca sinyora”nın hücumunu gücləndirmək üçün əsas seçimlərdən biridir.

Uğurlu mövsümdən sonra futbolçu ilə digər yüksək səviyyəli klubların da maraqlandığı bildirilir. Bunların arasında Madrid “Atletiko”su və Dortmund “Borussiya”sı diqqət çəkirlər.