“Bayern”in əsas yay transfer hədəfi məlum oldu

“Bayern” “Fulhem”in dayaq yarımmüdafiəçisi Joao Palinyaya nəzarəti davam etdirir.

Sports.az xəbər verir ki, 28 yaşlı portuqal yarımmüdafiəçinin transferi münhenlilər üçün yay transfer pəncərəsi zamanı əsas məqsəddir.

“Bayern”in idman rəhbərliyi, eləcə də yeni baş məşqçi Vensan Kompani portuqal “dayaqçı”nın xüsusilə dözümlülüyünü və fiziki imkanlarını yüksək qiymətləndirirlər.

Artıq müvafiq keçidlə bağlı Palinya ilə “Bayern” arasında şifahi razılıq var. Almanlar Palinyanın müqabilində 40-45 milyon avro məbləğ civarında ödəniş etməyə hazırdırlar, amma bu məbləğin “Fulhem”ə uyğun olub-olmayacağı hələ məlum deyil.